Harin gwamnatin Sahayoniya a filin jirgin saman Sanaa yana da nasaba da raunin gwamnatin

IQNA - A wani jawabi da ya yi dangane da harin da gwamnatin yahudawan sahyoniya ta kai a filin tashi da saukar jiragen sama na kasar Yamen, jagoran kungiyar Ansarullah a kasar Yaman ya dauki wannan harin a matsayin wani rauni na gwamnatin kasar tare da jaddada ci gaba da goyon bayan al'ummar Palastinu da ake zalunta.

A cewar Al-Masirah, shugaban kungiyar Ansarullah ta kasar Yemen, Abdul Malik Al-Houthi ya ce: Harin da aka kai a filin jirgin saman San'a na da nufin auna al'ummarmu ne da nufin tursasa mu mu daina taimakon al'ummar Palastinu da ake zalunta.

Ya kara da cewa: Gwamnatin sahyoniyawan na neman kai hari kan al'ummar Palastinu ba tare da wata kasa musulmi ta mayar da martani ba. Bayan da Amurka ta tsaya tsayin daka sakamakon fatattakar ta, makiya Isra'ila suna cikin wani matsayi mai rauni.

Jagoran kungiyar Ansarullah ta kasar Yemen ya jaddada cewa: Da wadannan hare-hare na ci gaba da kai hare-hare kan cibiyoyin fararen hula a kasarmu, makiya Isra'ila suna kokarin maido da abin da suka rasa. Duk yadda hare-haren makiya Isra'ila suka tsananta, hakan ba zai shafi matsayin al'ummarmu na taimakon al'ummar Palastinu da ake zalunta ba domin matsayinmu ya samo asali ne daga addini da matsayi na addini.

Ya kara da cewa: Daya daga cikin manufofin makiya Isra'ila na kai hari a filin jirgin saman Sanaa shi ne dakile hanyar aikewa da alhazai, amma in Allah ya yarda za a ci nasara. Za a gyara filin jirgin ta yadda zai ci gaba da aiki.

Shugaban kungiyar Ansarullah ta Yemen ya jaddada cewa: Muna neman matsayi mai karfi tare da al'ummar Palastinu a cikin kunci da wahala da wannan al'umma ke ciki. Aiwatar da karin laifukan da makiya Isra'ila ke yi kan al'ummar Palastinu yana kara daukar nauyin al'ummar musulmi.

Ya kara da cewa: Ci gaba da kisan kiyashin da ake yi wa al'ummar Palastinu ya kai mu ga aikin imani, da'a da kuma nauyin da ya rataya a wuyanmu na zafafa kai hare-haren soji kan makiya Isra'ila.

Abdul Malik Al-Houthi ya jaddada cewa: Karfafa kai hare-hare a zirin Gaza yana kai mu ga ci gaba da tsananta kai hare-hare kan makiya haramtacciyar kasar Isra'ila a cikin ayyukan dakarun soji da sauran ayyuka. Wahalhalun da al'ummar Palastinu suke fuskanta a wannan mataki ya fi na da yawa ta fuskar hasarar da suka samu sakamakon tsananin kawanya da yunwa ko kuma ta fuskar laifuffukan da Isra'ila ke yi.

4285261